Eolas

Cé muide?

Eolas fúinn

Is é Conradh na Gaeilge fóram daonlathach phobal na Gaeilge. Tá níos mó ná 200 craobh agus an iliomad ball aonair ag an gConradh ar fud na cruinne, baill a bhíonn ag saothrú chun úsáid na teanga a chur chun cinn ina gceantar féin. Is í príomhaidhm na heagraíochta an Ghaeilge a spreagadh mar ghnáth-theanga labhartha na hÉireann. Bhunaigh Dubhghlas de hÍde, Eoin Mac Néill, agus comhghleacaithe leo Conradh na Gaeilge ar 31 Iúil 1893.

Tá idir ranganna Gaeilge; abhcóideacht ar son chearta teanga; fheachtais feasachta; Seachtain na Gaeilge le Energia; PEIG.ie, lárphointe eolais don Ghaeilge; An Siopa Leabhar; thacaíocht do Raidió Rí-Rá; agus eile ar bun ag an eagraíocht ó shin i leith. Tuilleadh eolais: www.cnag.ie

I measc na gcraobhacha i gContae Mhaigh Eo tá:

  1. Craobh Bhéál an Átha,
  2. Craobh Chlár Chlainne Mhuiris,
  3. Craobh Chathair na Mart,
  4. Craobh Dhún Chaocháin,
  5. Craobh Mhala Raithní
  6. Craobh Chaisleán an Bharraigh.

An Coiste Dúiche

Tá Coiste Dúiche Mhaigh Eo ann chun comhordú a dhéanamh ar obair na gcraobhacha agus imeachtaí Gaeilge a eagrú. Bíonn baill ó na craobhacha éagsúla ar an gcoiste.

Foras na Gaeilge

Cuireann Foras na Gaeilge maoiniú ar fail chun scéimeanna pobail a bhunú agus an Ghaeilge a chur chun cinn. Roghnaíodh Coiste Dúiche Mhaigh Eo chun Togra Mhaigh Eo a reachtáil. Beidh obair thabhachtach idir lámha sna blianta amach rómhainn chun scéim forbartha líonra Gaeilge a chur chun cinn agus Baile Seirbhíse Gaeltachta á fhorbairt i gCaisleán an Bharraigh.

Togra Mhaigh Eo

Bunaíodh An Togra in 2002. Tá oifig An Togra i gCaisleán an Bharraigh agus faoi láthair tá Oifigeach Forbartha Gaeilge(OFG), Brídín Ní Cheallaigh lonnaithe ann. Is mór an chabhair an OFG chun obair Chonradh na Gaeilge a chur chun cinn agus cabhraíonn sí le grúpaí ar fud an chontae imeachtaí a eagrú.

129 Bliain

ag obair ar son na Gaeilge

Ag an bpointe seo tá sé chraobh i gCo. Mhaigh Eo:

Craobh Bhéál an Átha

Craobh Chlár Chlainne Mhuiris

Craobh Chathair na Mart

Craobh Dhún Chaocháin

Craobh Mhala Raithní

Craobh Chaisleán an Bharraigh

Ár Seirbhísí

  • Ranganna Gaeilge
  • Campaí Samhraidh
  • Ciorcail Comhrá
  • Fleadh na nÓg
  • Aistriúchán
  • Físeáin
  • Fógraíocht
  • Agus tuilleadh…

Ár Misean

Is í príomhaidhm Chonradh na Gaeilge an Ghaeilge a spreagadh mar ghnáth-theanga labhartha na hÉireann.

Déantar seo trí réimse leathan gníomhaíochtaí cultúrtha agua teanga a chur ar fáil don phobal ar fud Éireann agus timpeall an domhain.